ما هى الحوسبة السحابية Cloud Computing

أكاديمية المحترف / Channel Professional Academy

↑ Grab this Headline Animator

ما هى الحوسبة السحابية Cloud Computing

حوسبة سحابية مصطلح حير ناس كتير جدا وناس اكتر مش فاهمه معناه لحد دلوقتى.

ما هو الحوسبة السحابية Cloud Computing
what is cloud computing

ال Cloud دا عبارة عن تكنولوجى يتم توفيرها تحت طلب العميل في اى وقت وباقل مجهود وباققل تكلفة (بالايجار من الاخر يعنى).

- لا مؤاخذة مش فاهم !
بسيطة تعالى معايا كده نشوف مثال بسيط تخيل شركة كبيرة اسمها X الشركة دى عندها عملاء كتير جدا وشغلها واسع وكبير جدا اكيد عندها داتا بيز او قواعد بيانات كبيرة جدا وكمان اكيد عندها مواقع انترنت خاصة بيها وحسابات ودنيا بحالها
تخليل الشركة عندها اد ايه سيرفرات Servers.

- معلش يعنى ايه سيرفر Server ؟ 

Server يا سيدى دا عبارة عن كومبيوتر بس كبير شوية حاجة كده ضخمة ممكن تكون اد تلاجة 12 ادم او اتنين او اوضة او اكبر فايدته انه بيكون فيه امكانيات عالية جدا جدا بحيث عدد كبير من الناس تقدر تستخدمه في نفس الوقت بيكون فيه Prossers كتير وعالية جدا وكمان Ram اكتر وكل سيرفر بيكون ففي مساحة هارد برضو ضخمة (بالتيرا ودلوقتى بالالفا).
تمام يعنى اكيد الشركة X بقى عندها سيرفرات كتير عشان اكيد عندها عملاء وناس كتير بتدخل عندها ايه المشكلة بقى ؟

- تخيل معايا الشركة اشترت السيرفرات دى بكام !
اكيد بفلوس كتير طبعا.

- طيب تخيل كمان الشركة دى بتصرف كهربا وصيانة ودعم فنى وناس تشغل السرفرات دى اد ايه ومش كده وبس تخيل الشركة كمان بتشتغل كام يوم في الاسبوع وكام ساعة في اليوم ؟
اغلب الشركات بتشتغل 5 ايام و وممكن 7 ساعات في اليوم.

- جميل جدا طيب انت عارف كده الشركة بتسخدم السرفرات بتاعتها دى 35 ساعة في الاسبوع ! يعنى يوم ونص شغل في 7 ايام ! ومع ذلك دفعت كل المبالغ دى في الهاردوير الضخم دا.

ما هو الحوسبة السحابية Cloud Computing
Cloud Computing

لكن مع ال Cloud الشركة مش محتاجة انها تعمل كدا خالص ... كل اللى محتاجة انها تعمله انه يبقى اكونت عند شركة بتدعم خدمات الكلاود وبتحجز عندها مساحة وسيرفرات بالامكانيات اللى تناسبها وتتحاسب بس على هيا بستدخمه يعنى هتشتغل يوم هتشغل ساعة هتشغل 10 براحتها وهوفر المكان والكهربا والناس والوقت.
ودا اهم مبدا من مبادئ الCloud.
Pay only for what you use يعنى ادفع بس على اد اللى انت بتستخدمه وهنتكلم اكتر عن الموضوع دا قدام.

- طيب فهمنا دلوقتى ان الCloud دا عبارة عن مصطلح معناه امكانية توفير مجموعة ضخمة من الخدمات عن طريق الانترنت وبدون اى قيود بالموارد المحلية، وبتشمل حاجات كتير زى مساحات لتخزين البيانات بكافة صورها (فيويو، صور ، العاب ، برامج ......الج)، وكمان امكانيةعمل نسخ احتياطية منها في اى وقت والمزامنة وخدمات البريد الاليكترونى والبرمجيات وحاجات كتير.

ما هو الحوسبة السحابية Cloud Computing
Cloud Computing

أقسام ال Cloud

وال Cloud عموما بتقسم ل 3 حاجات احفظهم زى اسمك :

1- PAAS (Platfom as a service )
2- IAAS (infrastructure as a service )
3- SAAS (Software as a servicr )

يعنى ايه الكلام دا بقى !

ببساطة خالص اول
Platfom as a service دى يعنى ان في بيئة كاملة لل developers او المطورين يعنى انهم يشتغلو على ال Cloud ومن خلاله يقدرو يطورو برامج او يصممو مواقع او يطورا خدمات ومثال على كده Microsoft Visual Studio online.

التاينة infrastructure as a service ودى بقى معناها انه تقدر انك تعمل قاعدة كاملة لشغلك وتختار اجهزتك وامكانيتها واى داتابيز انت محتاجها وتمعمل بنية تحتيه ليك باستخدام ال Cloud وكذلك تعمل Hosting او استضافة للمواقع بتاعتك وكذلك تعمل Virualization واى حاجة من تحتاجها في البنية التحتيه بتاعتك.

التالتة بقى Software as a servicr يعنى انك تقدر تستخدم برامج اونلاين وتقدر تشوف شغلك من غير ما ستتخدم برامج على جهازك الشخصى يعنى مثلا لو معاك ملف Word او Pdf تقدر تفتحه وتصصفحة وتعدل فيه كمان على الانترنت ومن غير ما يكون عندك برامج تفتح الملفات دى على جهازك وابسط مثال على كده Onedrive و Office 365.

فى البوستات الجايه هنتكلم اكثر عن مصطلحات كتير لسه مش واضحه لكتير من الناس من خلال موقع أكاديمية المحترف.
مصدر هذه المقالة من مدونة احمد ابو تميم يعنى ايه Cloud Computing
ويمكنكم معرفة معلومات أكثر والمزيد عن الموضوع من هنا Cloud Computing

ان شاء الله يكون الشرح والموضوع عجبكم وما تنسوش تعملوا مشاركة للموضوع مع أصدقائكم على شبكات التواصل الاجتماعى، وانتظروا أجدد وأفضل المواضيع على الموقع فتابعونا.
في النهاية لا يسعنا الا ان نشكركم علي سعة صدركم ونتمني أن يكون الشرح واضح وسلس وأن تعم الفائدة علي الجميع منه بإذن الله وفي حالة وجود أى أسئلة أو استفسار أو مقترحات لتطوير طريقة العرض لا تترددوا في مراسلتنا والسلام عليكم ورحمة الله وبركاتة.

جميع الحقوق محفوظة لدى مدونة أكاديمية المحترف @2015

تطوير : mr.mohamed abdelsalam