أخترقت قناتى على اليوتيوب ! شاهد ماذا فعلت !

أكاديمية المحترف / Channel Professional Academy

↑ Grab this Headline Animator

اختراق قنوات اليوتيوب

كل واحد تعب في قناته ومش مستعد يخسرها في يوم ويلاقيها في ايد واحد تاني , فانا النهارده هكلمكم بقي علي كل الطرق الى ممكن يستعملها المتطفل علشان يسرق ويخترق قناتكم وازاي تحمي نفسك منها معلش المنشور هيطول شويه بس دا لمصلحتك انت مش ليا.

أخترقت قناتى على اليوتيوب ! شاهد ماذا فعلت !


اولا : الاختراق عن طريق الرسائل الزائفه ظهر مؤخرا عده مواقع وبرمجيات من خلالها تقدر تعمل رسائل فيك وكمان الخطير فيها انك تبعت بي الايميلات الرسميه لشركات رسميه زي جوجل واليوتيوب وطبعا مش بيكون الايميل الرسمي يعني لا بيكون شبيهو بس متغير فيه حرف مضاف ليه حاجه يعني بس انت متاخدش بالك منها ناس كتير وقعت فيها والهكر بيبعتهالك علي شكل رساله اليوتيوب بالظبط وفيها اللينك الى هيهكرك بيها وتقع انت وهو يسرق القناه ومبروك عليه خلاص كدا تمام كيفيه الحمايه منها بقي ان حضرتك لازم تتاكد ان بعد اي جمله من ايميل جوجل بيكون موجود الدومين بتاعهم الى هوا google.com وتتاكد كويس جدا انو مش مضاف ليه حرف او متغير فيه حرف تمام الكلام وكذالك اليوتيوب مثال ( creator-academy-noreply@youtube.com‏ )
رابط الدومين الخاص بي اليوتيوب youtube.com موجود بعد الجمله تمام فدا اول حاجه تتاكد من الدومين سواء لجوجل او ليوتيوب.

ثانيا : الاختراق عن طريق الهندسه الاجتماعيه ودا بيخش صديق عندك علفيسبوك وبيستهدف اكونتك ويفضل بقي يصحبك ويعمل انو بيحبك وكل حاجه تمام وفل الفل وياخد معلومات عنك وكل حاجه هو عايزها وهيحتاجها في اختراق الاكونت بتاعك علشان يستطيع سرقه القناه وبيحتاج منهم اول حاجه تاريخ انشاء الاكونت او رقم التليفون او هيحتاج منك اكونت احتياطي عمله للقناه مثلا وهيفضل يلعبك بطريقته علي سبيل المثال لو بيطلب منك رقم الهاتف بتاعك هيقولك محتاجه اكد بيه الفيسبوك او اي حجه لو عايز مثلا ايميل الاحتياطي هيقولك اسجل بيه في الفيسبوك او اي حجه بطريقته بقي المهم بيلعبك بدماغه لحد ميحصل علي المعلومات الى هو عايزها وبعد كدا يسرقك الحل انك متديش اي حد معلومات عنك لا رقم تليفون ولا ايميل ولا حتي انت ساكن فين ولا اي حاجه معلش دي معلومات شخصيه ومتنكسفش.

ثالثا : نفس الطريقه رقم 2 وهيا الهندسه الاجتماعيه بس هنا التطبيق كتير من الناس بيحطو البريد في الوصف بتاع القناه نفسها او في وصف الفيديوهات ودا خطأ للاسف جوجل بتعاني من ثغره خطيره وهيا استرجاع الاكونت عن طريق تاريخ انشاء القناه يعني مثلا واحد عامل قناه وبعدين حاطط البريد الالكتروني بتاعها اخدت البريد وعمتا طلمه القناه اتعملت في الوقت دا يبقي اكيد البريد اتعملت في التاريخ دا ياما حاجه تانيه ياخده يحطه علي الفيسبوك ويلاقي اكونتك ويدخل يشوف تاريخ انشاء حسابك علي افيسبوك ويبقي هو دا تاريخ انشاء الحساب نفسه ويخترق الحساب ويغير الباسورد ومبروك عليه الاكونت الحل انك اوعي تحط لا ايميل فيسبوك ولا حتي اي ايميل شخصي يخص القناه او فيه البريد الرئيسي للقناه اعمل ايميل تاني خالص وحطه ليهم حتي لما يتسرق يبقي في داهيه لكن البريد الاساسي يبقي خطر واعمل ميزه التحقق من خطوتين علشان تقدر تحمي الاكونت بتاعك من اي دخيل يسرق اكونتك يعني حتي لو سرقو ميقدرش يخش الا برمز معاه الرمز يخش ممعهوش مش هيخش وبكدا تكون حميت قناتك.
وبالتوفيق ليكم
بقلم : Kareem Abdelrazek

ان شاء الله الموضوع عجبكم وما تنسوش تعملوا مشاركة للموضوع مع أصدقائكم على شبكات التواصل الاجتماعى، وانتظروا أجدد وأفضل المواضيع على الموقع فتابعونا.

في النهاية لا يسعنا الا ان نشكركم علي سعة صدركم ونتمني أن يكون الشرح واضح وسلس وأن تعم الفائدة علي الجميع منه بإذن الله وفي حالة وجود أى أسئلة أو استفسار أو مقترحات لتطوير طريقة العرض لا تترددوا في مراسلتنا والسلام عليكم ورحمة الله وبركاتة.

جميع الحقوق محفوظة لدى مدونة أكاديمية المحترف @2015

تطوير : mr.mohamed abdelsalam